في ركعة ندم
/
يالذنوب
البارحه صكيت بابك
وارتجعت لسكة الحارة القديمه
جيت أدور في بيوت الطين وجه
وجيت انثر في عيون النور شعر
هيه يادْروب الغلابه
رحلة الذكرى عظيمه
في عيوني الف جرح
وْالف حزن
وْفي ثيابي الف قطره من / تعب
ياهيه يا بْلاد السواقي
ذا نخيلك
طوبك ورحلت سنينك
مايك العذب الجميل
اللي شربنا من زلاله
هيه ياريح القلق
يفطر على شباك احزانك صفير
وْينتهي
بين الظلال
وبعض بعضي في سعير
وآه يا صبح الاماني
مايفطَّر بابك الميت فقير//
علميهم
يالحواري
لو نويت ارسم على طينك جراح
وعلميهم
ليه خانت نخلك الميت رياح
وسامحيني
لو اطلَّق جذعك الميت ثلاث
وما اخون إلا عيون الشمس
وما اصون إلا سنين الجوع
وسامحيني
ركعتي
خانت ذنوبي
ياذنوبي
جيت تايب !!
مخرج :
الحزِن يابوي من قبلك سخافه
__________ والحزِن بعدك يبي تعريف آخر
:
:
عبدالعزيز العميري
0 التعليقات:
إرسال تعليق