يقول فيكتور هوغر [ الرجل له مصباح هو الضمير والمرأة لها نجم هو الأمل ، فالمصباح يهدي والأمل ينجي ]
ماخذيتي لي من احزان الشتا نار وْرغيف
ــــــــــــــــــــــــــــ ولاتركتي في ضريح الحلم زهْرة ذكريات
جيت لك كلي تعب من آخر حْدود الرصيف
ـــــــــــــــــــــــــــــــــ آتوكـَّـأ بـالالم واهْدي عظامي للشتات
ارسميني في الستاير
في براويزك ونامي
واحلمي
ان الفضا يمطر شعور
وان الوفا ينبت زهور
وْلاتخافي
كلَّ ما مريت في بالك
و
ر
ح
ت
ماعرفتي البارحه أحرقت أكتافي عشانك
_____________لجل أكتب لك وانا كلي شتات واشتعااااال
لجل اكتب لك ترى ياراحله فااارغ مكااااااانك
_____________ من يسده ؟؟!علميني دام انتي مْن الخيال
اتركي في وحشة الشباك وجهك
واتركي في ضيقتي
عند المطرشالك وروحي
آه تدري
ماوحشني غير صوتك
ماوحشني غير رنة هاتفي
عند الصباح
يوم كنتي
تهدي لي ابيات مكسوره وخواطر
[ياصباح النور يا قيصر صحينا ]
من غبار الذاكره جيتي لـ إيلول الحزين
____________________ لابسه ثوب الزفاف وتطفي الشمعه الاخيـره
مات حلم وقام بيت وصاح شاعر وين؟ وين؟
_________________ تتركيني للسنين القاسيه ؟! يااااهي كبيره
وينك اسأل
لملمي وجهي منافي
وخارطة شخص(ن) غريب
تاه في الغربه وحيد
يحسب لقسط السنين
قسط سياره وضياع
وآه وجهي
ياشوارع للقهر
يامدينة من فقر
ماجيت لك طالب مبيت
وغرفة ٍ
وزجاجه وْخمر ٍ مقيت
جيت لك
اهدي السنين الذابله
شعر ٍ حزين و
ذ
ك
ر
ي
ا
ت
شعر / عبدالعزيز العميري
0 التعليقات:
إرسال تعليق