ظل

:

(ظل )

عـلــى جـدرانـهـا تـنْـبـت وجـــوه وْذاكـــره وقْــبــور بـكـت كـانـت مَــعَ نــاي الـزمـان تْحـاكـي الـجــدران

مـن اللـي سابهـا خلـف الـسـراب وْجـرَّهـا للـبـور؟! ثمـان اعْــوام تسْـقـي حلمـهـا وْتتسـاقـط الأغـصـان

وحيده .. مـرَّت الليلـه ..جريحـه ..بْدربهـا المهجـور مشـت ..كـان الظـلام يْدسَّهـا فـي معـطـف النسـيـان

يَمريم كيـف حـال المـوت دون الشاعـر المغمـور؟! نـزف ..لجلـك سنيـن العـمْـر لـيـن تْيـبَّـس الشـريـان

بعَـد باقـي هنـا لـك بيـت ..مـن حـزن وْنـوافـذ عٌــور وشاعـر مـلَّ يمْسـح مـن حياتـه ..صفـعـة الـخـذلان

دخلـتـي معـبـد المـاضـي الألـيـم تْنبَّـشـي المـسـتـور طعنْتـي ظهْـر حـاضـرْك الجـريـح بْخنـجـر الحـرمـان

جلستي .. وْقلبـك الوافـي نديمـك خلـف هـذا السـور حسافه ..مـن ذبَـح احْلامـك لوجـه الزمـن قربـان؟!

طلعتي من ثرى الذكرى ووجْهك في السما عصفور يطـيـر لآخــر حْـــدود الـفـضـا واحْـزانــك الجـنـحـان

قريـب اوصـل ثلاثيـنـي ... وعـكَّـاز الأمــل مكـسـور غـريــب وْذي جـهـاتـي مـاتـودِّيـنـي إلــــى عــنــوان

طريقـي .. باتجـاه الشـمْـس وعيـونـي تـمـدَّ جْـسـور وخلفـي ظـل يشبهْنـي ..غـدى اوفـى مـن اي انسـان

انـا ..وتْسيـل مـن عينـي حبيـبـه وجهـهـا مــن نــور تعاتبْـنـي ..عـلـى طـــول الـغـيـاب وْعـلـبـة الـدخَّــان

عـلــى جـدرانـهـا مـريــت ذنْـــب وْذاكــــره وقْــبــور وهـي تسـتـر مـلامـح حزنـهـا ..وتْحـاكـي الـجـدران

:

عبدالعزيز العميري